Bosh sahifa
	Yangiliklar
	Press – reliz
	Festival Nizomi
	Yodgorliklar
	Konferensiya
	Gran-pri
	«Sharq taronalari»
	Samarqand mehmonxonalari
	O'zbekiston havo yo'llari
	O'zbekiston temir yo'llari
	Manzilimiz

@samdu.uz

Bibixonim maqbarasi

Saroymulkxonim (Bibixonim) Chig’atoy xonlariga mansub Qozonxonning qizi bo’lib, 1341 yilda tug’ilgan. 1370 yili Amir Temur nikohiga o’tgan. >>>>

Registon

Registon ansambli– Samarqandning Registon maydonida uch madrasa ( Ulug’bek madrasasi , Tillakori madrasa, Sherdor madrasa) dan iborat me’moriy majmua. >>>>

FESTIVAL G’OLIBLARI TAQDIRLANDI

25-29 avgust kunlari qadimiy shahar Samarqand jahon musiqa san’ati markaziga aylandi. Hafta davomida bu yerda dunyo xalqlarining milliy musiqa va qushiqlari yangradi. 29 avgust kuni ajib tantanovorlik kasb etgan Registon maydonida festival g’oliblari taqdirlandilar. Gran-pri turkmanistonlik Lali Begnazarova va cholg’u ansambliga berildi. Birinchi o’ringa O’zbekistonlik Matluba Dadaboyeva va cholg’u ansambli hamda ozarbayjonlik Gochak Askarov va uning badiiy jamoasi loyiq topildi. Ikkinchi mukofot isroillik xonanda Shem-Tov Levi hamda Janubiy Koreya mamlakati san’atkorlariga nasib etdi. Faxrli uchinchi ringa Italiyadan tashrif buyurgan xonanda Laura Mollika va quvaytlik san’atkorlar sazovor bo’lishdi. Taqdirlash marosimidan so’ng g’olib va sovrindorlar ishtirokida konsert dasturi uyushtirildi. Registon maydonida yana dillarga quvonch bag’ishlab, turli xalqlarning milliy ohanglari yangradi.

SA’NATLARIMIZNI BOG’LOVCHI KO’PRIK

Samarqand shahridagi “Prezident otel” mehmonxonasida “Sharq taronalari” VII–xalqaro musiqa festivali tashkilotchilari hay’at a’zolari, mahalliy ommaviy axborot vositalari xodimlari, xorijlik jurnalistlar ishtirokida matbuot anjumani bo’lib o’tdi.
Unda dunyo xalqlari o’rtasidagi o’zaro, do’stlik madaniy aloqalarini mustahkamlab, milliy musiqa va qo’shiqchilik sa’natini rivojlantirishda, avaylab-asrashda mazkur festivalning   nufuzi uning tili, madaniyati, urf-odatlari turlicha bo’lgan millat va elatlarni sa’nat vositasida birlashtirish maqsadidagi xizmatlari e’tirof yetildi. Xorijlik sa’natkorlarning chiqishlarini baxolash me’zonlari, festival tashkilotchilarining YUNESKO bilan kelishilgan qoidalari xususidagi fikrlari bildirildi. Hay’at a’zolari jurnalistlarni qiziqtirgan savollarga batafsil javob qaytarishdi.
– Azaldan Samarqand Sharq va G’arb mamlakatlari madaniyati, ilm fanini bir-biri bilan  bog’lovchi ko’prik vazifasini bajargan, – deydi festival hay’ati raisi Mun Yung Sun. – Bugun xam ushbu kuhna zamin    “Sharq taronalari”  festivali doirasida sa’natkorlarimizning   bog’lovchisi sifatida o’z an’anasiga sodiq qolib kelayapti.
– Ilk tashkil etilgan yili festivalda faqat O’zbekistonga qo’shni mamlakatlar sa’natkorlari ishtirok etishgandi yildan-yilga mazkur musiqiy anjumanning ishtirokchilari soni oshib borayotgani  geografiyasi kengayib, dunyoning barcha qit’alaridan vakillar qatnashayotgani festivalning nufuzi tobora oshayotgani, chiqishlarning mazmuni, musiqalarning boyib borayotganini bildiradi.

SAMARQAND  GO’ZAL SHAHAR

Sharq taronalari” yettinchi xalqaro  musiqa festivaliga tayyorgarlik borayotgan Registon maydonida bo’lgan fransuz sayyohlaridan biri Mishel Daniyeye shunday dedi: “Sharq taronalari” xalqaro musiqa festivali haqida eshitgandim.  O’zbekistonga sayohatimiz ayni shu kunlarga to’g’ri kelganidan xursandmiz. Ushbu nufuzli festivalda ishtirok etmoqchimiz.  Obodonchilik ishlarini, Registon  maydonidagi kuchli tayyorgarlikni ko’rib, halqingizning e’tibori, mehmondo’stligiga yana bir bor amin bo’ldik. Ushbu zaminda,  Shohi Zinda, Bibixonim, Go’ri Amir, Registon kabi obidalar bilan tanishib, tassavurlarimiz yana ham boyidi». 

MEHMONLAR KUTIB OLINDI

24 avgust kuni Samarqand temir yo’l vokzalida “Sharq taronalari” yettinchi xalqaro musiqa festivali ishtirokchilarining dastlabki guruhi festival tashkilotchilari va keng jamoatchilik tomonidan tantanali ravishda kutib olindi. O’zbekiston Respublikasi Prezidenti tashabbusi bilan 1997 yildan buyon har ikki yilda bir marta o’tkazib kelinayotgan mazkur musiqa anjumani dunyo xalqlari o’rtasidagi o’zaro do’stlik va madaniy aloqalarni mustahkamlash, milliy musiqa va qo’shiqchilik san’atini asrab – avaylash, rivojlantirish, tili, madaniyati, urf-odatlari turlicha bo’lgan millat va elatlarni san’at vositasida ezgu maqsadlar yo’lida birlashtirishga xizmat qilmoqda. Bu galgi festivalda ham 49 mamlakatdan vakillar qatnashmoqda. - Biz, quvaytlik san’atkorlar mazkur nufuzli musiqa festivalida uchinchi marta ishtirok etish baxti nasib etganidan mamnunmiz, - deydi Bandar Abid. - Oldingi yillardagi chiqishlarimiz “Sharq taronalari”da munosib baholangandi. Bu gal ham xalqimizning qadimiy milliy san’at asarlaridan namunalar tayyorlab kelganmiz. O’ylaymizki, u tomoshabinlarga manzur bo’ladi. - “Sharq taronalari” haqida ko’p eshitganmiz va oldinlari bu anjumanda qatnashishni orzu qilardik, - deydi shotlandiyalik Adam Rayd. - Bu yil ushbu orzuimiz amalga oshib turganidan xursandmiz. Yurtingiz juda chiroyli, xalqingiz mehmondo’st ekan. Kutib olish marosimidayoq Samarqand nonlari, shirinliklarini tatib ko’rib, hayratda qoldik.

O’ZBEKISTON ULKAN IMKONIYATLAR MAMLAKATI

Men qariyb bir yarim yildan beri O’zbekistonda Koreya Respublikasining KOISA tashkilotining vakili sifatida faoliyat olib boraman. To’g’risini O’zbekiston xaqida ko’p ma’lumotga ega bo’lsamda, bu yerga kelgandan keyin fikrlarim yanada boyidi. O’zbek xalqining hayoti, turmush tarzi, an’ana va urf-odatlari, madaniyati va tarixi to’g’risida to’laroq tasavvurga ega bo’ldim.
Samarkand davlat chet tillar instituti o’kituvchisi bo’lib ishlayotganligim birinchi navbatda talaba-yoshlar hayoti bilan yaqindan tanishishga, shu orqali butun O’zbekiston yoshlari haqida fikr yuritish imkonini bermokda. To’g’risini aytganda institut talabalari (qolaversa barcha O’zbekiston yoshlari) bilimga chanqoq, va intiluvchan. Darslarga juda faol ishtirok etishadi. Ko’p narsani bilishga intilishadi. Mana shuning o’zi maqtovga sazovor desam xato bo’lmaydi. Hamkasblarim, talabalar bilan ko’p joylarda, jumladan tarixiy obidalar, qadamjolarda bo’laman. Xozirgi iqtisodiy, moliyaviy inqiroz davrida bunyodkorlik ishlarining jadal olib borilayotganligi O’zbekiston ulkan imkoniyatlar mamlakati ekanligidan dalolat beradi.
Meni hayratga soladigan yana bir narsa o’zbek xalqining mehmondo’stligidir. O’tgan davr mobaynida bir nechta to’ylar, tantana va bayramlarda ishtirok etdim. To’ylardagi to’kin-sochinlik, dasturxondagi noz-ne’matlar turmush tarzining to’kinligini belgilaydi. Ayniqsa, xalqingizning xursandchilikka, ko’y, qo’shiq. va raqslarga moyilligi kishini quvontiradi. O’zbek milliy musiqasining go’zalligi, maftunkorligi va jozibadorligi xuzur bag’ishlaydi, Shu bois bo’lsa kerak o’zim ham ba’zan raqsga tushib ketaman.
Darvoqye, bir necha yildan beri «Sharq taronalari» musiqa festivalining Samarqandda o’tkazib kelinayotganligi yuqoridagi fikrlarning yorqin ifodasi desam xato bulmaydi. Men festival to’g’risida televideniyada berilayotgan ko’rsatuvlar orqali bilaman. Bu yil mazkur anjumanni bevosita tomosha qilmoqchiman.
Bu yil O’zbekiston mustaqilligining 18 yilligi nishonlanadi. Men ham ushbu bayramni o’zbekistonlik hamkasblarim, talabalar bilan birga nishonlash imkoniyatiga ega bo’ldim. O’zbekistonga o’tgan yili kelganimda ham bunga guvoh bo’lgan edim. Lekin, bu yilgisi boshqacha bo’layapti. Zero, bugungi kundagi yaratuvchanlik, bunyodkorlik ishlarini ko’rib bunga amin bo’lmokdaman.

Li Xe Yong, KOICA  tashkiloti ko’ngillisi, o’qituvchi